كلنا اروى: ام اروى تروي قصة اروى العروس التي توفت بعد تسع ايام من زواجها-الجزء الاول

اليكم قصة اروى بنائا على طلب الجميع وبناءا على موافقة والدتها ولكي نقف كلنا بجانب المغدورة اروى ونكون سببا في القصاص من قاتِليها

منذ البدايه محمود محمد كامل المناصره طلب اروى ابنتي لاخوه حمزه عدة مرات وانا رفضت لاني ما بحب اعطي خوات سلفات وبعد شهرين ونصف اجا اخو حمزه طلب اروى بنتي واروى وافقت انا رفضت ابوها كان متردد كثير لانو اروى ما بتحب حدا يتحكم فيها شخصيتها قويه بتكره الظلم ما بتسكت على حقها او اي غلط بتحب الحياه بطريقه غير طبيعيه ما بتسكت لاي شخص بياذيها باي طريقه المهم اروى اصرت بدها اياه وتم كتب كتابها على القاتل حمزه اثناء الخطبه اروى تغيرت بعض الشيء حصل خلافات بيني وبينها مرتين او ثلاثه وقاطعتها بطلت احكي معها لمدة اسبوع او عشرة ايام وكانوا صاحباتها ييجو يصالحونا مع بعض كل مشاكلنا كانت عشان تترك حمزه بس هي ما كانت ترضى .

حصل خلاف بين اروى وحمزه اثناء الخطبه مسكتو بيحكي مع بنت وكانت باعته الى رسالة غرام وصور قلوب حمراء اروى شافت الرساله ورفض يعطيها التلفون الخاص به طبعا هاد الحكي عرفت في بعد مقتل اروى وحصل خلاف كمان مره بينهم واجا اخو محمود صار يحكي يلي بيفركش هاي الخطبه بقلبها على راسو ورجع الوضع طبيعي بس كمان اروى كانت مش اروى في يوم عرسها بتذكر الساعه الثالثه عصرا كانت اروى في الصالون وانا في البيت حكيت لبنتي اتصلي على اروى واحكيلها انو انا مش متريحه للجوازه كلها وانا بدي اروح اخدها من الصالون خليها تجهز حالها حكتلي بنتي انتي بدك تفضحينا قدام الناس حكتلها ما بيهمني الناس اذا انا مو متريحه شو بدي في العالم اصريت انها تحكي مع اروى وللاسف اروى حكت لبنتي احكي لامي ما تغلب حالها وتيجي لاني ما رح اروح معها ومضى العرس المشؤوم


تزوجت اروى وتغير كل اشي اروى بطلت تحكي مع حدا من خواتها او معنا اروى يلي ما بتسكت وما بتهدا في مكان بطل الها صوت اروى يلي ما بتبطل ضحك ومزح وطلبات ما في ظهور الها اتصلت اروى خامس يوم من زواجها باختها يلي هي سلفتها وحكت الها بدك تيجي هلا حكت الها وفاء شو في يا اروى جاوبت اروى احكي شو ما في وراحت وفاء الساعه وحده بعد منتصف الليل وصلها ابوها يلي هو جوزي ورجع مستعجل وما نزل اتصلت وفاء بنتي فيي الساعه ثلاثه الفجر عشان اروح اخدها ورحت جبتها ونزلت بنتي يلي عندي بالبيت تنادي وفاء من منزل اروى سالت وفاء شو في حكت يا الله شو خوفتني اروى طلع الموضوع تافه ومتخانقه هي وحمزه عشان عمتو جايبه الها قميص نوم هديه وعيب ما بيصير تجيب قميص نوم.

 طبعا بعد مقتل اروى تفاجات بانو في هداك اليوم كاين موجود في بيت اروى خمس شباب وحمزه معهم قاعدين بيلعبوا شده وكاين البيت كله ضباب من كتر الدخان والله اعلم والحشيش واروى كاينه قاعده على التخت قعدة القرفصاء وشكلها كاينه تبكي وفاء بتحكيليها بعين الله يختي خلص هاد الحكي كاين صاير يوم ما بنتي نزلت تنادي وفاء ومحمود المناصره يوم ما شافهم اول مره يعني ساعة ما راحت وفاء اول اشي تفاجا بجيتهم وحكالهم شو يلي جابكم
14 8 2015 كان عيد ميلادي واجو بناتي عندي واروى اجت الساعه 6 المغرب تقريبا وكان في عرس لصاحبتها ومتفقه مع جوزها يوديها على عرس صاحبتها ويوم ما اجو عنا جوزها بطل يوديها عشان اخو محمود يلي هو جوز وفاء حكالو في علينا مناسبات وانا ما كنت فاضيه اوصلها عشان بدي اروح اودي الباميه لست بتنشفها عشان وفاء بدها توخدها معها على البرازيل يوم ما تنوي تسافر.

 روحت من عند الست يلي بتنشف الباميه وكاينين متخانقين واروى يومها حكت كل مشاكلي من محمود روحت اروى مع جوزها الساعه 11 37 من مساء 14 8 2015 بعد ما روحت اروى بنصف ساعه اتصلت بنتي لكبيره علي وحكتلي يا يما حمزه ضارب اروى كف وكاين يغلط عليها حكي وسخ انا جكيت الها انتي مجنونه شو ضاربها كف انتي متاكده شو ضاربها كف اروى الها تسع ايام متجوزه على كل حال انا اليوم بشوف شو في

 

   خلينا نحكي الجزء الثالث من ليلة الرعب التي حصلت لاروى بعد ما حكتلي بنتي انو حمزه ضارب اروى كف اجا محمود المناصره اخو القاتل والذي انا وزوجي اتهمناه بالاشتراك مع اخو بقتل اروى اجا محمود الساعه الواحده فجر 15 8 2015 عنا وحكالي يا خالتي الليله بدي انام عندكم وبكره طول النهار اقضي عند اهلي عشان بكره في الليل بدي اسافر حكيتلو كيف هيك مره وحده كيف حجزت بهاي السرعه وشو هالقرار الفجائي حكالي علي شغل وما بقدر اتاخر اكتر من هيك في هاي الاثناء رحت على المطبخ كان تلفوني فوق المايكرويف مسكت التلفون بدي اشوف اذا حدا رن علي لقيت اروى الله يرضى عليها باعته رساله في تمام الساعه 12 2 بالضبط ومكتوب بالرساله رني ضروري يعني بعد ساعه تقريبا شفت هاي الرساله وحكيت ل وفاء اروى باعته رساله ابصر شو  في .

رنيت على اروى الساعه وحده وعشر دقائق تقريبا رد علي حمزه القاتل وحكالي اروى بتتحمم حكيتلو طيب بس تخلص حمام خليها ترن علي ضروري بعديها اجا تلفون ل محمود من اخو حمزه وراح محمود على الغرفه التانيه وكان يحكي مع اخو حمزه القاتل بالبرازيلي وبعديها تقريبا الساعه وحده ونص حكا محمود بدي اطلع بره يا خالتي بس شوي وحكيتلو لساتك ما اجيت حكالي لا هون باب الدار وطلع غاب نص ساعه رجع الساعه تنتين الفجر في هاي الاثناء رنت علينا اروى كان صوتها مو طبيعي نهائيا ويا دوب طالع وانا سالتها شو في حكتلي ولا اشي.

 حكيت الها اسمعي يا اروى انا مش حماره شو في حكتلي ما في اشي بصوت مخنوق سالتها حمزه جنبك حكتلي اه رجعت سالتها حمزه جنبك حكتلي اه اه لا كانو كان حدا واقف جنبها ويحكيلها شو تحكي وصوتها مخنوق وبتتنهد حكتلي اعطيني وفاء حكت مع وفاء وسالتها شو في حكتلها هاي مش عيشه سالتها ليش ضربك غلط عليكي سكتت اروى وبعدين حكت لالا وبعديها فجاءة وبدون مقدمات حكت اروى وفاء بعدين بحكي معك شكلو في على اندر ويري دم مع العلم اروى يوم الجمعه اجت عندنا وكان معها جهاز فحص الحمل لانها كانت شاكه انها حامل لانها دايما تعبانه ومسطله وضل الجهاز وراها ما فحصت لانها تنكدت وروحت الساعه تنتين الفجر اجا محمود وقعدنا احنا وياه في جلسه خارجيه تابعه للمنزل.

 حكيتلو محمود بدي اياك بموضوع حكالي خير حكيتلو انتى بتعرف مين هي اروى وشو عيشة اروى جاوبني بالحرف الواحد انا يلي بعرف مين اروى اروى بنت عز حكيتلو طيب متل ما دخلنا بالمعروف خلينا نطلع بالمعروف بدون فضايح قدام خلق الله احكيلي كيف اخوك ضارب اروى كف حكالي شو انا ما بعرف وما حدا حكالي انا هلا بدي اروح على دارهم واشوف شو في حكيتلو لا ما بتروح لحالك انا بروح معك راح اتصل على اخو وحكالو وين انتى انا وخالتي ام احمد بدنا نيجي عليكم وصار يعلي بصوتو حكيتلو وطي صوتك في ناس والصوت بيجاوب صار يحكي مع اخو في البرازيلي وطبعا انا ما بفهم برازيلي وسالت شو حكا حكتلي وفاء بنتي انو حكا انو مش في الدار طالع وما بدو يرجع ومحمود حكالو خالتي بدها تيجي عليكم وقبل لا نطلع انا ومحمود حكتلي بنتي وفاء يا يما خلي تلفونك عندي لانو ما معي رصيد ارن اطمن عليكم وتركت تلفوني وطلعت.

 من هبلي نسيت انو جوزي معو تلفونين وابني معو تلفون يعني ما في ضروره يضل تلفوني وتفاجات بملف التحقيق انو وفاء معها رصيد هيها وفاء رانه على اروى اربع مرات واروى مو راده على وفاء رنت المره الخامسه من تلفوني ردت اروى يا علي يي على عمري انا فكرتني انا امها ردت ليش ما بدها تحكي مع وفاء هون بلشت اربط الامور في بعضها وحكيت لبناتي وفاء مشتركه معهم وبتعرف كل يلي عملوا ب اروى طبعا بتعرفوا انو صعب اي شخص يتقبل هيك حكي هاي اختهم ومستحيل وفاء تعمل هيك وبلشت الاحداث وشكوكي في محلها طلعت وفاء تامرت معهم لاخفاء حق اختها واخفاء كل ما تعرضت له اروى من اعتداء جنسي وضرب ورعب وووووووووو الخ.

للتذكير نسيت احكيلكم انو اثناء مكالمة وفاء مع اروى قبل ما تحكيلها بدي اغير اندرويري قبلها وفاء سالت اروى حمزه عندك حكتلها لا حكتلها ضربك سب عليكي حكت اروى لا لا بعديها حكت اروى اسمعي يا وفاء يا بعمل بحالي اشي يا اما ما بعرف شو بصير وكان صوتها وااااطي جدا وبتحكي وبتتنهد وفاء سالتها طيب شو حكالك حكت اروى حكالي ما بدي اياكي وحكالي حكي وسخ رجعت وفاء حكتلها اروى يختي مو فاهمه عليكي علي صوتك رجعت اروى عادت الحكي يا بعمل بحالي اشي يا ما بعرف شو بيصير وكانت تحكي شوي وتوقف كانو في حدا جنبها لاروى وبيحكيلها شو تحكي وصوتها بيبكي عليه الحيوانات قبل الانسان هلا خلينا نكمل طلعت انا ومحمود واحا من الطريق غير المعتاده وطلع من عند طلعة عبود كان زمان وصار يطلع على يساره وكان يسوق وهو متوتر وصلنا دار اروى ويا ريتنا ما وصلنا.

اكمل القراءة بالضغط هنا.