كلنا اروى: الجزء الثالث-ام اروى تروي قصة اروى العروس التي توفت بعد تسع ايام من زواجها

الجزء الثالث من قصة المغدورة اروى والتي ترويها والدتها , لنقف كلنا مع هذه المغدورة ولنكن يدا واحدة ليعاقب الجاني.
--------------------------------------
اروى جرح العمر كلو تركناها وروحنا تركناها تنام في الثلاجه تركناها هي وجروحها والامها تركناها وكل واحد بيحكي لواحد لو بيصير اشي فيك بموت وراك كذاااااااب انا امها وتركتها وين تركتها تنام في الثلاجه لحالها وعشان يشرحوها ويا ريتني ما خليتهم يشرحوها على الفاضي ما كملوا اجرامهم في اروى وشرحوها وهي لا حول ولا قوة حتى مش قادره تبعد مشارطهم النجسه عن جسدها الطاهر مش قادره تبعد ايديهم الملوثه بدماء المظلومين لانو نفس هاي الايدي هي يلي اخفت تقارير الاجرام الذي حصل معها روحت وانا تاركه قطعه من قلبي ورائي وصلنا البيت وكان خبر موت اروى معبي الدنيا وكل العالم بلشت تيحي يتاكدوا خبر متل الصاعقه طبعا اجو الشرطه وانا ما كنت بوعيي كانوا معطييني مهدئات وبلشوا يسالوا فيي وانا احكيلهم اروى قتلت حالها اروى شنقت حالها واغمي علي هيك حكولي وجوز بنتي حملني على غرفتي طبعا شكلي كاينه اعيد الحكي يلي كاين يحكي محمود النذل مخرج بكل دقه اتقن التمثيل وببراعه وانا كفيت وفيت صرت بكل شطاره اعيد بحكي محمود وهيك بلش المشعوذين مشوار قذارتهم .

بعد هيك اجت وفاء وجابت الشال يلي اروى نشنقت في وحكت هاد الشال يلي نشنقت اروى لون الشال اخضر تركواز بعدها وصلنا خبر من جهتين كل جهه تختلف عن الاخرى وقالوا نفس الكلام انو تم تمثيل مسرح الجريمه ورجعوا اكدولنا الخبر انو حمزه ومحمود مثلوا مسرح الجريمه واعترفوا بكل شيء وفعلا دليل كلامهم الشال يلي احضروا يلي نشنقت في اروى وبعد هيك اجى النائب احمد هميسات وحكا انو ما بيصير انو اهل القاتل يجلو لانو بيوتهم ملك ومشى معهم النائب احمد هميسات واخو محامي استلم قضيتهم اول 10 شهور تقريبا وبعديها غيروا المحامي يلي هو اخو احمد هميسات وحكولنا ادفنوا بنتكم حقها طلع ومن نفس الصالون يلي طلعت منو اروى عروس طلعت منو جنازتها وكانت احلى عروس بتشوفها عيني نزفت شهيده عند رب العالمين نزفت اروى الشهيده اخدوها من بين ايدينا اخدوها وبدل ما نحضنها احنا حضنها تراب المقابر وتاني يوم بلشوا يحكوا ما في اعتراف ولا تمثيل لمسرح جريمه وما في ولا اشي خلص بلشت اموالهم تتكلم عنهم وبلشت واسطاتهم تتحرك

كانت العطله القضائيه للقضاة وقتها واستلم القضيه نائب عام لحين دوام القضاة وجاء دوام القضاة وابتدا التحقيق في ملابسات الجريمه قدمت طلب بجلب موبايل ابنتي اروى من مخفر المقابلين لانه يتم التلاعب به سالني المدعي العام كيف يتم التلاعب به فاخبرته بان زوجي ذهب للمخفر ليستلم موبايل ابنتي فاخبره ملازم في مخفر المقابلين بان الموبايل من حق زوجها حمزه فقال له زوجي حمزه قتلها وهاد تلفون بنتي فاجاب الملازم م ع على كل حال التلفون ما عليه ولا اشي بس رساله بنتك بعتتها لجوزها قبل ما تنتحر بخمس دقائق ومحتوى الرساله دير بالك على حالك الله يريح بالك سال جوزي الملازم مين فتحلك التلفون فاجاب بكل وقاحه زوجها حمزه يا عالم يا ولاد الحلال يا اهل الله حمزه يلي قتلها وشنع في قتلها هو يلي فتح الرمز للملازم م ع اخبرت المدعي العام بهاذا الكلام واجابني بالحرف الواحد ما عليكي احنا بنرجع كل يلي على التلفون.

 حكيتلو جيبو خبير على حسابي الخاص على مكتبك بس جيبو التلفون ولا حياة لمن تنادي شو بدهم يرجعو وشو بدهم يعملوا حسبي الله ونعم الوكيل ضليت اسال عن حمزه واذا في عليه قضايا سابقه واكتشفت انو عليه اربع قضايا سابقه في تواريخ مختلفه منها مقاومة امن مخدرات سكر وتعاطي فذهبت للمدعي العام وقلتلو انتى بتعرف انو حمزه عليه قضايا سابقه حكالي لا حكيتلو تفضل واعطيتو الورقه بعد فترة بكتشف انو كل القضايا يلي على حمزه ممسوحه وما عليه ولا اشي غير قضية اروى مسجله عليه قتل بالقصد الان خلينا ننتقل لموقف اخر يوجد صديقه لابنتي نزلت على الفيس تسب وتدعي على حمزه فاجاها اتصال من رقم خاص وحده بتغلط حكي وسخ وبتكفر وبتحكيلها والله لنعلقك متل ما علقنا اروى وانتي بنص اهلك.

 فجاوبتها صاحبت بنتي ليش هي البلد سايبه الكم فجاوبت البنت طبعا سايبه المهم بعد تقديم شكوى ضد الرقم الخاص طلعت المتصله هي اخت القاتل حمزه المناصره واعترفت فانا بحكي للمدعي العام هاد اعتراف صريح انهم قتلوا اروى فجاوبني هاي القضيه ما الها دخل في قضية اروى حكيتلو كيف يعني حكالي هاي مشاجره بين بنتين ما الها دخل في القضيه وفصل القضيه وحولها لقضيه منفصله ونحكمت مرام المناصره فيها ثلاثة شهور وتم استبدال الحكم بالمال تهديد بالقتل وتدان المتصله وتكفل هادا قانونا هاد الامن والامان هدول يلي حالفين يمين يحافظوا على ارواح واعراض ابناء الوطن يلله ماشي حسبي الله ونعم الوكيل هلا انا مو ساكته ومتبعه الهم منيح وهم طبعا حاطيني انا بالذات تحت المجهر كل خطوه بخطيها ما شاء الله بشوف وراي موكب ملكي لمراقبتي سيارات رايحه جايه وراي وين ما اروح .

المهم انا هلا قدمت طلب بجلب مكالمات ورسائل شركة زين وكمان هاي مرمروني فيها واخينا بالله الواسطه تبعتهم حضرتو مشرف شركة زين بزيارة ومتصور كمان هون انا بلشت اعرف اني واقعه مع مافيه بس كمان ما سكتت رحت قدمت طلب بجلب مخالفات وكاميرات دائرة السير بعد تقديمي لطلب بتفاجا انو حضرة فلان الفلاني وهو نائب طبعا مستدعي مدير دائرة السير ومدير كاميرات دائرة السير لمكتبه الخاص طبعا حضرتي ما بنام لا ليل ولا نهار وانا بتبع الهم ومو تاركهم ولا ثانيه كمان هاي بح لعبوا فيها وزياده طيب قدمت وطلبت مية طلب اما يرفض واما بيختفي يا الله واقسم بالله العظيم اني بكتب والدم بلش يغلي في عروقي حسبنا الله ونعم الوكيل عليهم ليوم الدين.


في ملف المكالمات شركة زين والخبير يلي جابو المدعي العام تناقض واختلاف غير طبيعي في كل شيء اهم شيء في الموضوع انو طلع وفاء في معها رصيد ورانه على اروى اربع مرات واروى مو راده عليها المره الخامسه ضاربه من تلفوني واروى راده يي على عمري بتفكرني انا شو يلي خلاني ارد على وفاء واترك تلفوني نصيبك يما يا اروى او خلينا نحكي تخطيط الايدي القذره الغادره هون بلشت مشاكل بيني وبين وفاء لاني صرت اكتشف اشياء كتيره كذب ليش في ملف التحقيق زوجة خال القاتل ذكرت انو وفاء كانت زعلانه تاني يوم عرس اروى كانوا اهل القاتل عاملين غدا وفي عندهم ناس كتير زوجة خال القاتل سالت وفاء شو مالك يا وفاء اجابتها وفاء لانو اروى ما رح تتحمل يلي انا تحملتو.

 مع العلم مذكور ايضا انو في مشكله حصلت تاني يوم عرس اروى بين اروى وحمزه ويوم ما سالنا وفاء حكت عشان عم بتقو ل حمزه جايبه قميص نوم لاروى واروى حكت عيب ما بيصير تجيب قميص نوم وفاء حكت النا انو هاد الاشي صار خامس يوم من زواج اروى يوم ما اروى اتصلت وحكت لوفاء تعالي هلا ضروري كانت الساعه وحده فجرا سالتها وفاء شو في وحكت اروى احكي شو ما في ركزوا في تناقض الاقوال بنتي ؟ اتصلت على اروى وسالتها شو مالك يا اروى اروى حكت ما في اشي حكتلها بنتي يا اروى وفاء حكتلنا جاوبت اروى حكت كل اشي كل اشي جاوبت بنتي اه كل اشي جاوبت اروى, طيب شو حكتلك طبعا بنتي سكتت لانو ما بتعرف اشي وكل يلي بعرفوا وفي ملف التحقيق ذكر حمزه انو اروى حاولت الانتحار مره واتصلت عليه واجا وكانت شاربه كميه من الدواء وهو اسعفها عمل الها حليب وما كان في حدا في البيت ما شاءالله عليك دكتور الحشيش والهروين خبره .

هذا ما استطاعت والدة المغدورة معرفته حتى الان,وما زالت قضية اروى تنتظر الانصاف,سيتم متابعة قضيتها حتى نصل معاً الى حل ولنضع حد لهذه العصابة من المجرمين.

سنقوم بنشر كافة التفاصيل عبر صفحتنا على الفيس بوك "كلنا اروى" اضغط لتتابع الصفحة.